Në QKUK janë kryer nëntë stentime

Në Repartin e Kardiologjisë Invazive të Qendrës Klinike
Universitare të Kosovës (QKUK), pas më shumë se një viti ndërprerje, me
sukses të plotë ka vazhduar vënia e stentave dhe është shtuar numri i
koronarografive të kryera gjatë ditës.Ushtruesi i detyrës së
shefit të Repartit të Kardiologjisë Invazive, Basri Sejdiu, tha se pas
më shumë se një viti pauze, falë ndihmesës, përkrahjes dhe organizimit
të mirë të punës që ka bërë ushtruesi i detyrës së drejtorit ekzekutiv
të QKUK-së, Lulzim Emini, është arritur që tre javët e fundit të kryhen
nëntë stentime, përderisa vitin e kaluar ishin realizuar vetëm tre sosh,
kurse nga ajo kohë më nuk ishin realizuar fare.
“Brenda dite kryhen pesë koronarografi, kurse javët e fundit kemi
kryer nëntë stentime, me organizimin e mirë të punës parashihet që
brenda një viti të kryhen rreth 1.300 koronarografi dhe rreth 300
stentime”, ka thënë Sejdiu.
Sipas tij deri në shtator janë të furnizuar me materialin shpenzues të nevojshme për të kryer këto punë.
Ndërsa drejtori Emini ka thënë se ajo çka ka munguar në Kardiologji
Invazive ka qenë mungesa e organizimit të mirë të punës. Sipas tij,
deri tani në mungesë të këtij shërbimi, pacientë kanë bredhur nëpër
klinikat private, kurse funksionalizimi i këtij shërbimi do të jetë lajm
i mirë për pacientët.
Emini ka potencuar se tani Reparti i Kardiologjisë Invazive është
nën menaxhim të njerëzve që janë të përgatitur profesionalisht dhe të
gatshëm t’u përgjigjen sfidave. /Telegrafi/