Ivanov: Me njohjen e Kosovës, ndihmuan paqen në rajon

Presidenti i Maqedonisë, Gjorgje Ivanov deklaroi se Maqedonia ndërmori një varg të aktiviteteve konkrete për përparimin e sigurisë dhe stabilitetit në rajon – në mesin e të cilëve ishte edhe njohja e pavarësisë së Kosovës.
"Ne e pranuam shtetin fqinj, Republikën e Kosovës, dhe vendosëm marrëdhënie diplomatike, me çka bëmë një hap në ndërtimin e marrëdhënieve të afërta, korrekte dhe funksionale”, tha ai.

“Me demarkacionin e kufirit verior me Kosovën vendosëm një çështje të madhe të sigurt. Se sa është e rëndësishme kjo tregon fakti që ne jemi shteti i vetëm nga ish Jugosllavia me çështje tërësisht të mbyllura të kufijve. Me përkushtim të njëjtë dhe kujdes i ndërtojmë marrëdhëniet me Serbinë dhe me të gjitha fqinjët tjera", potencoi Ivanov në Forumin e Dohas, i cili mbahet në kryeqytetin Doha të Katarit.

Ndërtimi i sigurisë së Evropës Juglindore, theksoi presidenti i Maqedonisë, do të jetë më i suksesshëm me zgjerimin e zonës së paqes në Evropë përmes zgjerimit të NATO-s dhe Bashkimit Evropian. /INA