Kushtetuta e Kosovës, ndër më të përparuarat në rajon

Kushtetuta e Republikës së Kosovës, ky dokument i lartë juridik, është kurorëzim i përpjekjeve shekullore të Kosovës për t’u bërë entitet i barabartë me kombet e lira dhe sovrane- thuhet në mesazhin e kryeministrit Hashim Thaçi në përvjetorin e tretë të Ditës së Kushtetutës të Republikës së Kosovës.
“Kushtetuta e Kosovës shpreh më së miri qenësinë e qytetarëve të Kosovës si qytetarë të lirë dhe të Kosovës si shtet i pavarur dhe të gjithë jemi krenarë me faktin që ajo është ndër dokumentet më të përparuara dhe më moderne në rajon dhe më gjerë. Tre vjetori i Kushtetutës, ashtu si trevjetori i Pavarësisë, janë data të thellimit të lirisë, të zgjerimit të demokracisë, të rritjes së tolerancës, emancipimit dhe zhvillimit të përgjithshëm të shoqërisë sonë”, thuhet mes tjerash në mesazhin e Thaçit.

Sipas kryeministrit, qytetarët e Kosovës trevjetorin e Ditës së Kushtetutës e presin me perspektivë të qartë euroatlantike, me vazhdimin e njohjeve të pavarësisë së shtetit tonë dhe krijimin e kushteve për ngritjen e mirëqenies për të gjithë qytetarët tanë. /Telegrafi/