Fitou: Kosova nuk do të ndahet

Ambasadori i Francës në Kosovës, Jean François Fitou ka thënë të mërkurën se ndarja përfundimisht nuk është zgjidhje dhe Kosova nuk do të ndahet. Në një prononcim për Radio Dukagjinin, ai tha se kjo ide nuk është vetëm e rrezikshme por edhe e pamundur.
Më tej, ambasadori francez në Kosovës tha se nuk e sheh asnjë mundësi që ndonjë shtet në Evropë të marr territorin e ndonjë shteti tjetër.

“Unë nuk e di se pse disa ministra në Serbi flasin për një zgjidhje që as nuk është në tavolinë dhe asnjë shtet serioz nuk e mbështet. Kurrë nuk kam dëgjuar ndonjë fjalë nga ndonjë shtet serioz që ka njohur Kosovën e që është në favor të ndarjes së Kosovës. Ndarja nuk është në tavolinë, nuk do të jetë në tavolinë dhe është temë që as që bëhet fjalë që mund të diskutohet për të”, tha Fitou.

“Nuk e shoh asnjë mundësi që ndonjë shtet në Evropë të marr territorin e ndonjë shteti tjetër. Kjo thjesht është e pamundur. Kjo është diçka që i takon të kaluarës së kontinentit evropian, e që ka qenë një e kaluar me plot gjak dhe tollovi. Tash ndarja është jashtë tavolinës. Askush nuk do ta mbështes dhe përfundimisht është jashtë çdo diskutimi”, tha më tej ambasadori francez në Kosovë. /Telegrafi/