Serbët e Kosovës akuzojnë Beogradin për trazirat në veri

Deputetët serb të komunave të veriut nga institucionet paralele të serbëve në Kosovë, mbajtën një mbledhje të jashtëzakonshme në veri të Mitrovicës.
Aty, serbët akuzuan Beogradin se është fajtor për trazirat e fundit në veri, raporton Klan Kosova. Sipas tyre, Serbia në koordinim sekret me EULEX-in, dha dritën jeshile për arrestimin e fundit në veri, si dhe të ndërrimit të komandantëve në atë zone.

Ata thanë se tërë këto po bëhen për të hyrë në Evropë, por sipas tyre rruga për në Evropë nuk ka alternativë.

Për më tepër ata akuzuan shtetin e Serbisë se i tradhtoi dhe se e njohu pavarësinë e republikës së Kosovës jo vetëm formalisht, por bëri edhe hapa konkret. /Telegrafi/