Serbët në veri paralajmërojnë radikalizim të protestës

Protesta dhe bllokimi i rrugëve në veriun e Kosovës të cilën e
kanë organizuar banorët serbë të komunës së Zubin Potokut, si reagim
ndaj arrestimit të Jevro Pantelicit, do të ndalohet deri të martën nëse
përfaqësuesit ndërkombëtarë në Kosovë i pranojnë kushtet e vëna nga
organizatorët.Udhëheqësi i ndërmarrësve të Zubin Potokut,
Ratomir Bozoviq, i ka thënë sot agjencisë së lajmeve Beta, se protesta
do të vazhdojë dhe do të radikalizohet nëse të martën nuk vjen asnjë
sinjal pozitiv nga përfaqësuesit ndërkombëtarw.
Ai ka thënë se EULEX-it i është kërkuar që të sillet me neutralitet
ndaj statusit të Kosovës dhe që banorëve të veriut të mos iu imponohet
ligji i qeverisë së Kosovës, pasi siç ka thënë Bozovic, ai shtet nuk
ekziston.
Sipas këtij personi, kërkohet lirimi i Jevro Pantelicit që ishte arrestuar për shmangie taksash në Kosovë. /rel/telegrafi/