Serbët po pengojnë ushtrimet e KFOR-it në veri

Grupe serbesh të organizuar kanë bllokuar të martën magjistralen e “Adriatikut”, në Zubin Potok, rrugën që shpie për në pikën kufitare Bërnjakë G31. Gjithashtu një grup tjetër serbësh kanë bllokuar magjistrale ‘Ibri’ në fshatin Rudare të komunës së Zveçanit.

Serbët e tubuar në, Zubin Potok, kanë bllokuar rrugën me qëllim të mos lejimit të mbajtje së ushtrimeve ushtarake të paralajmëruar nga KFOR-i dhe EULEX-i, raporton Koha.

Radio Kollashini që nga mëngjesi është duke u bërë thirrje banorëve të Zubin Potokut dhe fshatra për rreth që sa ma masivisht të dalin në këtë protestë.

Në Rudare, të Zveçanit serbët kanë bllokuar rrugën duke kërkuar lirimin e Jevro Panteliqit i cili ditë më parë është arrestuar nga njësitë e policisë së EULEX-it.

Burime ndërkombëtare kanë thënë se KFOR-i është duke pritur urdhër nga komandanti i përgjithshëm në mënyrë që të ndërhyjë. Gjithnjë sipas burimit ndërkombëtar në këto protesta janë të përfshirë strukturat paralele e mbrapa tyre po ashtu qëndron Qeveri e Serbisë.

KFOR-i dhe EULEX-i i kanë sistemuar ditë më parë njësitet për ndërhyrje.

Zëdhënësi i Policisë për rajonin e MItrovicës, Besim Hoti, ka theksuar se në veri të vendit grupe serbësh kanë bllokuar magjistralen e ‘Adriatikut’ në Zubin Potok si dhe magjistralen e ‘Ibrit’ në Zveçan. /Telegrafi/