Kasami mund të huazohet tek Atalanta

Mesfushori i Palermos, Pajtim Kasami, mund të huazohet gjatë kësaj vere te skuadra e Atalantas, që edicionin e ardhshëm do të luajë në Serie A, shkruan të hënën sajti "CalcioNews24.com". Kasami 18-vjeçar, verën e shkuar u transferua te Palermo nga ekipi zviceran Bellinzona. Ai në Serie A regjistroi 14 paraqitje me Palermon. "Përveç kthimit të mundshëm të Cigarinit dhe Donatit, përmendet edhe emri i mesfushorit të talentuar shqiptar të Palermos, Pajtim Kasami", shkruan sajti italian. Sipas këtij burimi, Kasami mund të huazohet tek Atalanta për një vit. Ai me Palermon ka kontratë deri në verën e vitit 2015. Pjesë e Atalantas, që është lidere në Serie B është edhe mesfushori kosovar, Migjen Basha.