Seancë e jashtëzakonshme për Haradinajn

Kuvendi i Kosovës do të mblidhet të martën në një seancë të
jashtëzakonshme, në të cilën do të diskutohet për procesin gjyqësor
kundër kryetarit të Aleancës për Ardhmërinë e Kosovës, Ramush Haradinaj
dhe dy ish ushtarëve të tij, Lahi Ibrahimi dhe Idriz Bala. Kryesia e Kuvendit vendimin për këtë seancë e ka marrë në një takim me shefat e grupeve parlamentare.
Kjo seancë e jashtëzakonshme është miratuar nga Kryesia, pasi Grupi
parlamentar i AAK-së ka mbledhur 40 nënshkrime të nevojshme të
deputetëve për këtë seancë.
Qëllimi i kësaj iniciative është që Kuvendi të kërkojë gjykim të
shpejtë dhe fer, si dhe t’i jepet Haradinajt përkrahje institucionale.
Sipas paralajmërimeve, gjykimi kundër Haradinajt do të fillojë në qershor. /Telegrafi/