Vejvoda: Skenari i dy Gjermanive për veriun e Kosovës

Drejtuesi i fondacionit “German Marshall”, Ivan Vejvoda ka thënë
se skenari i dy Gjermanive për veriun e Kosovës është një rregullim
gradual i raporteve në frymën e një partneriteti evropian.Lidhur
me deklaratën e ministrit serb të Punëve të Jashtme, Vuk Jeremic, i
cili thotë se formimi i një entiteti në veri të Kosovës, i ngjashëm me
Republika Sërbska në Bosnjë e Hercegovinë, do të ishte zgjidhje, Vejvoda
ka thënë për Evropën e Lirë, se ky është një skenar, në bazë të të
cilit Serbia njëkohësisht do ta fitonte veriun dhe do ta njihte mbase
pavarësinë e Kosovës.
Sipas tij, skenari tjetër, që ka më shumë gjasa aktualisht, është
skenari i dy Gjermanive, përkatësisht një rregullim gradual i raporteve
në frymën e një partneriteti evropian apo zgjidhjeve të tjera evropiane.
“Nëse e marrim Irlandën Veriore ose Tirolin e Jugut ose cilindo rast
tjetër, është e qartë se ky është një proces afatgjatë, në të cilin
mirëbesimi duhet të ndërtohet midis palëve, në mënyrë që ato në fund të
mund të arrijnë një zgjidhje racionale, demokratike dhe evropiane”, ka
thënë Vejvoda. /Telegrafi/