Vejvoda: Ndarja nuk është më e mundur

Drejtori i Fondit të Ballkanit për Demokratizim dhe nënkryetari i fondit amerikan të planit Marshal për Gjermaninë, Ivan Vejvoda, ka thënë se ndarja e Kosovës nuk është më opsion real.

“Është ngushtuar hapësira manovruese e Serbisë... Duhet nxjerrë maksimumin nga minimumi që i ka mbetur Serbisë, pasi e humbi luftën më 1999”, thotë Vejvoda për “Blic”.

Si kompromis të mundshëm nga ana serbe, Vejvoda përmend mundësinë e instalimit të marrëdhënieve të mira të dy bashkësive të cilat tash nuk pajtohen për faktin se qëndrojnë në pikëpamjet nacionale.

“Serbia të mos e pranojë Kosovën, por Prishtina të funksionojë shtet i pavarur. Është hapësirë e madhe brenda së cilës Beogradi dhe Prishtina mund të gjejnë mënyra të tregojnë bashkëpunim rajonal pa paragjykuar rrjedhën finale”.

Kur është fjala te ndarja e Kosovës, Vejvoda thotë se kjo më nuk është e mundur, sepse serbët kanë lëshuar shumë shanse. Qëllimi i marrëveshjes, sipas tij, është që përcaktohet një shkalle e autonomisë për veriun, një shkallë e raporteve me Beogradin dhe raporteve me Prishtinën.

Ai ka thënë Serbia nuk e ka rrezikuar fitimin e statusit të kandidatit për BE, por caktimi i datës për bisedime lidhet me sjelljen e Beogradit kundrejt Kosovës.

“Incidenti do të na kthente edhe ne edhe BE-në edhe Prishtinën disa hapa pas dhe do të ndalonte zhvillimin e tashëm pozitiv të bisedimeve mes Beogradit dhe Prishtinës”. /Telegrafi/