Fëmijët te privatët, flasin për reforma

Kryeministri Hashim Thaçi, kryeparlamentari Jakup Krasniqi,
ish-ministri i Ekonomisë dhe Financave, Ahmet Shala, ish-ministri i
Arsimit dhe tani ministër i Punëve të Jashtme, Enver Hoxhaj, si dhe disa
ministra të tjerë të kabinetit qeveritar, nuk i besojnë sistemit publik
të arsimit.Ata i kanë dërguar fëmijët e tyre nëpër shkolla private, duke “shkelë me këmbë mbi premtimet e dhëna”, shkruan gazeta Zëri.
Reforma në arsimin publik dhe përmirësimi i kushteve infrastrukturore
në shkolla, që nuk u janë ndarë nga fjalimet Thaçit dhe Hoxhajt, i pari
duke e parë gjithmonë si prioritet arsimin dhe i dyti duke deklaruar
vazhdimisht se e ka bërë të krahasueshëm me vendet tjera perëndimore,
dëshmojnë se nuk i kanë besuar as vetes.
Djali i kryeministrit ka kryer pesë klasë të fillores në shkollën
“Mileniumi i tretë” dhe në vitin shkollor 2009/10 ka kaluar në klasën e
gjashtë te shkolla “International School of Prishtina” (ISP), e cila
funksionon në kuadër të qendrës së edukimit “Gulistan”, ku bën pjesë
edhe shkolla tjetër “Mehmet Akif”, ndërsa Hoxhaj gjatë kohës sa ka qenë
ministër i Arsimit dhe ka folur plot “zjarr” për arsimin publik të
përparuar, ka regjistruar një nga fëmijët e tij në shkollën “Mileniumi i
tretë”. /Telegrafi/