Kadaj-Bujupi: Haradinaj së shpejti në vend

Karvani prej 350 grave të Aleancës së Gruas të Kosovës (AGK),
11-vjetorin e themelimit të AGK-së e ka shënuar me një aktivitet në
nderim të dëshmoreve të kombit, anembanë vendit, në kuadër të kampanjës
“Për Ramushin–për të Ardhmen”. Në këtë kampanjë, në
mbështetje të kryetarit të AAK-së dhe ish kryeministrit-të Kosovës,
Ramush Haradinaj u tha se fundi i verës do të jetë do të jetë koha kur
Haradinaj do të kthehet pranë familjes dhe qytetarëve.
“Lideri Haradinaj ka qenë rasti më shembullor i bashkëpunimit me
Tribunalin e Hagës. Ne besojmë në drejtësinë e Tribunalit të Hagës, por
ne duam që kjo drejtësi të veprojë. Drejtësia e vonuar është drejtësi e
mohuar. Megjithatë, duhet t’i shfaqim shqetësimet e tona për ndërhyrjen e
politikës në gjyqësi, në synimet eventuale për të ekuilibruar fajin dhe
përgjegjësinë për luftërat e viteve të nëntëdhjeta. Të bindur që roli i
kryeministrit Haradinaj është i pazëvendësueshëm në politiken dhe
stabilitetin afatgjatë të Kosovës, ne besojmë se fundi i këtyre
aktiviteteve do jetë edhe fundi i procesit të paprecedent. Dhe fundi i
verës do jetë edhe kthimi i z. Haradinaj në shtëpi pranë familjes, pranë
miqve dhe qytetarëve, për të vazhduar me punët në të mirën e vendit”,
ka thënë kryetarja e AGK-së Donika Kadaj-Bujupi, pas homazheve në
Kompleksin Memorial të UÇK-së në Gllogjan.
Ato kanë bërë homazhe në Kompleksin Memorial të UÇK-së në Gllogjan dhe kanë vizituar familjet e dëshmorëve.
AGK do të vizitoi edhe varrin e dëshmores Myrvete Maksutaj, atë të
Xhevë Lladrovcit-Krasniqit dhe varrin e dëshmores Ylfete Humolli, në
Lupq të Poshtëm. /Telegrafi/