Breshër kokërrmadh në Prishtinë

Rreth orës 19 sot në Prishtinë, i përcjell me një rrebesh shiu, ka rënë
edhe breshër kokërrmadh që gati nuk mbahet mend në Prishtinë. Madhësia e
kokrrave të breshrit arrinte atë të klikerave për fëmijë, e nganjëherë
edhe më të mëdha. Rrebeshi i shiut dhe breshri ranë për afro 10 minuta.

Natyrisht,
është ende herët të flitet për dëmet, por është më se e sigurt se ato
janë të mëdha, veçmas në sipërfaqet e mbjella me kultura bujqësore nëpër
fshatrat ku ka rënë, por edhe nëpër objekte në qytet dhe në
automjete.