Aktivistët e Vetëvendosjes lirohen në procedurë të rregullt

Aktivistët e arrestuar të lëvizjes Vetëvendosje me vendim të
Gjykatës për Kundërvajtje janë liruar në procedurë të rregullt. Këshilli
për mbrojtjen e të drejtave dhe lirive të njeriut (KMDLNJ), duke iu
referuar të arrestuarve pohon se me rastin e arrestimit të Kushtrim
Dakajt “ka pasur sjellje jo korrekte e kërcënime nga policia, por jo dhe
dhunë”.Aktivistët e arrestuar kanë qenë:Vigan Bytyqi, Kushtrim Dakaj, Memli Balaj, Lumbardh Bukoshi, Abdyl Osmanaj dhe Gëzon Kastrati.
Ndryshe, në orët e hershme të mëngjesit Policia e Kosovës arrestoi në
Prizren gjashtë aktivistë të Lëvizjes ‘Vetëvendosje’, të cilët po
hiqnin flamurin e shtetit të Kosovës dhe flamuj të shteteve tjera
(përfshirë edhe atë të BE-së e NATO-s) dhe në vend të tyre po vendosnin
flamurin kombëtar.
Të gjithë këta janë liruar pas orës 12.00, në procedurë të rregullt. /Telegrafi/