Kosova ende ka nevojë për praninë e NATO-s

Zëvendësasistentja e Sekretarit të Përgjithshëm të NATO-s në
Divizionin e Diplomacisë Publike, Stefanie Babst, ka thënë se “KFOR i do
të qëndrojë në Kosovë për aq kohë sa do të duhet për të garantuar
sigurinë dhe stabilitetin”.Zyrtarja e NATO-s ka theksuar se
Kosova ende ka nevojë për angazhim ushtarak të Aleancës derisa FSK të
jetë në gjendje të plotësojë misionin e saj.
“Edhe pse NATO po rishikon me shumë kujdes praninë e saj ushtarake në
Kosovë, Aleanca Veri-atlantike është e mendimit se Kosova ka ende
nevojë për një angazhim ushtarak në vazhdim për t’u siguruar vërtet që
në Kosovë ka siguri dhe stabilitet”, ka thënë Babst në një intervistë
për Deutsche Welle, duke siguruar mbështetje edhe për FSK.
“Pra NATO do të vazhdojë të ketë në Kosovë prani ushtarake dhe do të
mbështesë të gjitha aktivitetet e ndërrmara nga Forcat e Sigurisë së
Kosovës për të qenë të sigurt , që këto forca janë në gjendje të
plotësojnë misionin e tyre”, ka thënë Babst. /Telegrafi/