Hoxhaj: Qëllimi i Beogradit është zvarritja e procesit

Ministri i jashtëm i Kosovës, Enver Hoxhaj, e ka akuzuar Serbinë
për përdorim të taktikës zvarritëse për t’i shtyrë marrëveshjet
eventuale në bisedimet Prishtinë – Beograd.“Aq sa mund të
shohim, qasja e Beogradit është zvarritja, humbja e kohës dhe mosarritja
e zgjidhjeve efektive”, ka deklaruar ministri Hoxhaj për të përditshmen
beogradase, Danas.
Në këtë aspekt, ai këtë e krahasoi me pritjen e gjatë për arrestimin e të akuzuarit nga Tribunali i Hagës, Ratko Mladic.
“Është sikur me Ratko Mladicin, i cili u arrestua pas 16 viteve... ai
u arrestua praktikisht në minutën e fundit”, tha Hoxhaj dhe shtoi se
“mendoj se Serbia e ka të njëjtën qasje ndaj bisedimeve me Kosovën. Do
të zvarrisë sa më tepër që të jetë e mundshme për gjetjen e zgjidhjes në
fazën finale”. /Telegrafi/