AAK demanton pohimet për kohëzgjatjen e procesit ndaj Haradinajt

Aleanca për Ardhmërinë e Kosovës (AAK) njofton opinionin se
raportimet e disa mediave që pohojnë se ‘rigjykimi i pjesshëm i Ramush
Haradinajt do të mund të zgjasë për 13 muaj’, janë të pasakta.
“Informacioni që ne si AAK e posedojmë, i demanton ato raportime si një
mbivlerësim qenësor në lidhje me periudhën dhe kohëzgjatjen e procesit”“Ne
besojmë që rigjykimi i pjesshëm duhet të përmbyllet në kuadrin e disa
javëve, por ekziston mundësia që do të nevojiten disa muaj, deri në
shpalljen e verdiktit final”, thuhet në një komunikatë për media të
AAK-së.
“Të enjten do të ketë një Konferencë Statutore lidhur me Rastin
Haradinaj dhe aspektet që lidhen me rigjykimin e pjesshëm. Pas kësaj, ne
si AAK presim që mbrojtja e Kryetarit të AAK-së, Ramush Haradinaj, do
të përgatisë një deklaratë rreth datës së mundshme të fillimit të
rgjykimit të pjesshëm dhe kohëzgjatjes së tij”. /Telegrafi/