AAK fajëson institucionet për rezultatet e maturantëve

Një ditë pas shpalljes së rezultatit të provimit shtetëror të
maturës, eksperti për çështje të arsimit në AAK, Jonuz Salihaj,
kritikoi, ministrinë e arsimit për menaxhim të dobët të këtij procesi.
Ai tha se si rezultat i këtij menaxhimi, cilësia e arsimit në Kosovë
është jashtë standardeve evropiane.Sipas Salihajt, po të
menaxhohej më mirë procesi i testimit, rezultati do të ishte edhe më i
ulët se 42 për qind sa ka dalë sivjet. Kjo është shumë shqetësuese për
sistemin tonë arsimorë, tha ai, duke shtuar se edhe rezultati i tanishëm
nuk është i besueshëm, pasi është shoqëruar me parregullsi të shumta.
Salihaj propozoi krijimin e një qendre kombëtare për vlerësim të
jashtëm, e cila do të vepronte e pavarur e jo në kuadër të Ministrisë së
Arsimit, njofton RTK. “Sistemi ynë arsimorë ka edhe shumë dobësi të
tjera, duke filluar që nga siguria në shkolla, mosmiratimi i ligjit për
arsimin parauniversitar, kurrikulumi i papërfunduar, e të tjera”. /Telegrafi/