Dacic: Jam kritikuar për qëndrimet e mia për Kosovën

Ministri serb i Punëve të Brendshme, Ivica Dacic, ka thënë se u
është nënshtruar presioneve të shumanshme për shkak të qëndrimit për
ripërcaktimin e kufijve me Kosovën.“Në javët e kaluara, u
jam nënshtruar kritikave të politikanëve, liderëve ‘nacionalë’ dhe
liderëve partiakë, për faktin se kam përmendur ripërcaktimin e kufijve.
Njëkohësisht, i jam nënshtruar edhe trysnisë së përfaqësuesve të
komunitetit ndërkombëtar, të cilët kanë vlerësuar se me këtë qëndrim, po
e cenoj tërësinë territoriale të Kosovës”, ka thënë Dacic
në seancën e Kuvendit të Serbisë.
Ai pohon se Serbia duhet t’i qaset me pragmatizëm “zgjidhjes së problemit të Kosovës”.
“Edhe unë mendoj se Kosova është pjesë përbërëse e Serbisë, por e
kemi një situatë, ku në njërën anë gjendet sistemi ligjor vendës dhe në
anën tjetër, fuqitë më të mëdha botërore. Nuk besoj se mundësitë në
rrafshin ndërkombëtar do të jenë ndryshe në disa dekadat e ardhshme dhe
se pozicioni ynë mund të jetë më i mirë”, ka thënë Dacic.
/Rel/Telegrafi/