Dacic e quan kancelaren Merkel “të pavetëdijshme”

Ish zëdhënësi i partisë së Slobodan Milosevicit, aktualisht ministër i Brendshëm i Serbisë, Ivica Dacic, ka thënë se kërkesa e zyrtarëve evropianë që Serbia të shuaj strukturat paralele në veri të Kosovës, është ftesë për zhvendosjen e serbëve nga kjo zonë.

“Ky është mesazh që serbët të zhvendosen nga Kosova - çfarë do të nxisë spastrimin etnik të Kosovës, pavarësisht se një gjë e tillë vjen nga politikanët evropianë”, ka thënë Dacic për mediat serbe, duke iu referuar deklaratës së kacelares gjermane, Angela Merkel, gjatë vizitës së saj javën e kaluar në Beograd.

Madje Dacic shprehu bindjen se zyrtarët evropianë nuk janë të vetëdijshëm për atë që thonë. Ai theksoi nevojën e unitetit të serbëve në veri të Kosovës dhe të gjetjes së një zgjidhjeje kompromisi, e cila do të garantojë siç tha ai “mbijetesën e serbëve në Kosovë”. /Telegrafi/