Kuvendi sot debaton për Kornizën e shpenzimeve

Në mungesë të ministrit të Financave, Bedri Hamza, Korniza afatmesme e
shpenzimeve 2012-2014 nuk është diskutuar fare në mbledhjen plenare të
Kuvendit të Kosovës, që është mbajtur të enjten. Korniza afatmesme
pritet të diskutohet në vazhdimin e seancës, që është paraparë të mbahet
sot, në orën 11:00.

Deputetë nga opozita e kanë kritikuar dje
Qeverinë e Kosovës se çështjet e rëndësishme, siç është Korniza
afatmesme e shpenzimeve, me qëllim po e lë të diskutohen pas orës 17:00,
kur nuk ka transmetim të drejtpërdrejtë. Ata kanë kërkuar që kjo të
diskutohet të premten, ashtu edhe siç është vendosur.