Rasti 'Tisa', 66 vjet burg për grupin

Gjykata e Qarkut në Prishtinë ka dënuar me 66 vjet burgim të pandehurit, të përfshirë në tragjedinë në lumin Tisa në vjeshtën e vitit 2009, në të cilën patën humbur jetën 15 persona, në mesin e tyre 7 fëmijë.

Avni Hajdari, i është shqiptuar dënimi prej 19 vjet burg dhe 250 mijë gjobë, Shpëtim Ademajt prej 17 vjetësh burgim, si dhe 200 mijë euro gjobë, Ismail Krapi dhe Shaip Selmani do të mbajnë nga 8 vjet, Fatmir Pajaziti 7 vjet; Xhemail Halilaj është dënuar me dy vjet burgim- me kusht si dhe Blerim Ademaj me 5 vjet burgim.

Rabit Ajvazi është liruar më herët nga akuzat.

Sipas aktakuzës që ishte ngritur nga Prokuroria Speciale e Kosovës, në natën mes 14 dhe 15 tetorit të vitit 2009, një grup prej 18 kosovarësh ishte trafikuar dhe kishin pësuar derisa po kalonin me barkë përmes lumit Tisa ndërmjet Serbisë e Hungarisë. /Telegrafi/