Kushtetuesja, tre anëtarë pa mandat

Sokol Sadushi, Petrit Plloçi, Xhezair Zaganjori dhe Admir Thanza janë katër anëtarët pa mandat të Gjykatës Kushtetuese. Vetëm Sokol Sadushi, zëvendësohet nga Fatmir Hoxha, ndërsa tre të tjerët do të qëndrojnë aty dhe për tre vjet.

Ish-ministri i Drejtësisë, Enkelejd Alibeaj, tha të shtunën për AS se “anëtarët, të cilëve u ka mbaruar mandati 9-vjeçar vazhdojnë të qëndrojnë në detyrë derisa, sipas Kushtetutës ligjit dhe vendimeve të gjykatës Kushtetuese, do të duhet të plotësohen me anë të mekanizmit të ripërtëritjes”.

Nëse presidenti risjell tre dekretet pa u plotësuar afati tre vjeçar “çdo vendim, çdo dekret, çdo akt mund të depozitohet në Kuvend dhe do të shqyrtohet atëherë kur t’i vijë koha dhe kjo kohë caktohet nga Kushtetuta”, sqaroi zoti Alibeaj.

Në Gjykatën e Lartë ka vetëm një vend vakant, pasi parlamenti e refuzoi emërimin e kandidaturës së presidentit Topi, gjyqtaren Manjola Bejleri. /Telegrafi/