Pacolli të rikthehet në krye të AKR-së?

Zëvendëskryeministri i parë i Kosovës, Behgjet Pacolli, ka
rishfaqur synimet e tij për t’u rikthyer në krye të Aleancës Kosova e
Re, e cila vazhdon të mbetet pa lider që nga dorëheqja e tij nga posti i
kryetarit, pasi që u zgjodh president i vendit më 22 shkurt. U.d. i
kryetarit, Ibrahim Makolli, tani është ngarkuar me përgjegjësi të reja
si ministër i Diasporës dhe një pjesë të aktiviteteve të tij, vazhdon
t’i ketë jashtë vendit.Siç raporton Express,
anëtarja e Kryesisë së AKR-së, njëkohësisht shefe e Grupit parlamentar
të Koalicionit për Kosovë të Re, Myzejene Selmani, ka thënë se sipas
statutit të partisë, Behgjet Pacolli mund të kthehet prapë si kryetar i
partisë me një vendim të Këshillit Drejtues.
E pyetur nëse fakti që Pacolli e ka ndërtuar vetë partinë, i jep atij
të drejtë të hyjë e të dalë kur të dojë, Selmani ka e mohuar një gjë të
tillë. Por, ka theksuar se me aktin e dorëheqjes kur është zgjedhur
president, Pacolli ka bërë atë që disa liderë të tjerë nuk mund ta
marrin me mend.
Ndërkaq, edhe pse zyrtarët e AKR-së kanë thënë më herët se brenda
disa ditësh Këshilli Drejtues i partisë do të vendosë për rikthimin e
Pacollit në krye të partisë, një gjë e tillë ende nuk ka ndodhur.
/Telegrafi/