Shqiptarët në krye të listës së “armiqve të serbëve”

Nuk është i vogël numri i të rinjve në Serbisë që shpreh qëndrime shoviniste, nacionaliste dhe homofobike. Sipas një hulumtimi të Këshillit të Helsinkit për të Drejtat e Njeriut në Serbi, nxënësit e shkollave të mesme të shumtën shprehin qëndrime konservatore, janë shovinistë dhe shumë homofobikë.

Autorja e hulumtimit Maria Radoman ka thënë për DW, në gjuhën serbe, se rezultatet e tilla nuk duhet askënd ta habisin, bën të ditur QIK-u.

Po ashtu thuhet se nxënësit e shkollave të mesme në Serbi shprehin qëndrime goxha stereotipe. Ato kryesisht janë tradicionale dhe konservatore...

Qëndrime shoviniste ndaj romëve kanë shprehur rreth 70 për qind e nxënësve të anketuar. Në krye të listës së “armiqve të serbëve” janë shqiptarët.

Janë anketuar nxënës në Beograd, Novi Sad, Nish, Zrenjanin, Novi Pazar dhe Krushevevc. /Telegrafi