Haradinaj i prin listës zgjedhore të AAK-së

Prishtinë, 5 nëntor - Qëndrimi në paraburgim të Tribunalit të Hagës nuk do ta pengojë kryetarin e Aleancës për Ardhmërinë e Kosovës, Ramush Haradinaj, që t'i prijë listës së partisë në zgjedhjet e përgjithshme që do të mbahen më 12 dhjetor. Zyrtarë të AAK së, kanë thënë se Haradinaj do t'i prijë listës, e cila sipas tyre, do të ketë edhe shumë emra të rinj. Anëtari i kryesisë së AAK së, Besnik Tahiri ka thënë për Kosovapress se lista zgjedhore e kësaj partie do të ketë shumë freskime, ndërkaq në krye të saj do të jetë Ramush Haradinaj. Tahiri ka theksuar se në AAK janë duke u bërë të gjitha përgatitjet për këto zgjedhje dhe se deri tani degët kanë sjellë nominimet e kandidatëve që dëshirojnë t?i kenë në listën zgjedhore. Zyrtarët e AAK së, shprehen optimistë se Haradinaj do të lirohet nga Haga deri në zgjedhjet e 12 dhjetorit.