EULEX konfirmon se ka hetuar Pieter Feith

EULEX-i, konfirmon se ka zhvilluar hetime ndaj Përfaqësuesit
Civil Ndërkombëtar, Pieter Feith. Hetimet janë bërë nga një prokuror i
EULEX-it, pas pohimeve për përfshirjen e shefit të ICO-së, Peter Faith
në zgjedhjen e Gani Gergurit si guvernator i Bankës Qëndore të Kosovës.

Zëdhënësi i EULEX-it, Blerim Krasniqi ka thënë se Feith tani
nuk është nën hetime, sepse prokurori i EULEX-it, ka përfunduar
kërkimet dhe nuk ka arritur të gjejë asgjë substanciale për këtë rast,
njofton RTK.
Ndërsa zëdhënësi i ICO-së, Andy McGuffie përmes një komunikate ka
deklaruar “Përfaqësuesi Civil Ndërkombëtar ishte mjaft i befasuar kur
dëgjoi për herë të parë për supozimin për një hetim dhe menjëherë kërkoi
sqarim nga Shefi i Misionit të EULEX-it dhe zinxhiri i tij komandues si
dhe nga autoritetet gjyqësore të Kosovës”.
Më tej, në komunikatën e ICO-së thuhet “Duhet mbajtur në mend se
Përfaqësuesi Civil Ndërkombëtar në bazë të Kushtetutës e ka autoritetin
për dhënien e pëlqimit për emërimin e Guvernatorit të Bankës Qendrore.
Ai e ka ushtruar ketë autoritet duke respektuar plotësisht kuadrin
ligjor të Republikës së Kosovës si dhe PGJS-në dhe do të vazhdoj të bëj
këtë”. /Telegrafi/