Porosia e deputetes Kelmendi: M’i bëj të fala Kosovës

Kryetari i Kuvendit të Kosovës, Jakup Krasniqi i ka dërguar
telegram ngushëllimi familjes Kelmendi, në të cilën shprehet se vdekja e
Nekibe Kelmendit është humbje e madhe.Në telegramin e
ngushëllimit thuhet “Vdekja e Nekibe Kelmendit është humbje e madhe për
Ju familje e nderuar, për miqtë dhe për Kuvendin e Kosovës. Zonja
Kelmendi kontribuoi në mbrojtjen e të drejtave të qytetarëve tanë në
kohën më të egër të pushtimit serb, e demaskoi atë gjithandej në botën
demokratike dhe mori pjesë aktive në ndërtimin dhe në zhvillimin e
institucioneve tona shtetërore”.
“Vepra e saj do të kujtohet vazhdimisht me respekt të veçantë. Znj.
Kelmendi ka qenë dhe do të jetë në memorien e Kuvendit si një nga
deputetet që vazhdimisht përcillte mesazhe urtësie. Në emër të Kuvendit
të Republikës së Kosovës dhe në emrin tim Ju përcjell ngushëllimet më të
sinqerta”, thuhet në telegramin e ngushëllimit.
Telegram ngushëllimi familjes Kelmendi i kanë dërguar partitë politike në vend, deputetë e qytetarë . /Telegrafi/