Së shpejti zgjidhet statusi i pakicës malazeze!

Podgorica dhe Prishtina së shpejti do ta nënshkruajnë
marrëveshjen për kthimin e refugjatëve nga Mali i Zi në Kosovë, i atyre
që dëshirojnë dhe për zgjidhjen e statusit të atyre që do të mbeteshin
në Mal të Zi, ka njoftuar qeveria në Podgoricë.Lidhur me
këtë çështje kanë biseduar zëvendëskryeministri i qeverisë së Malit të
Zi, Dusko Markovic, dhe zëvendëskryeministrja e Kosovës, Edita Tahiri, e
cila ka paralajmëruar se së shpejti do të zgjidhet statusi i pakicës
malazeze në Kosovë.
Mëtutje në njoftim theksohet se Tahiri e ka falënderuar Malin e Zi
për mbështetje të “forcimit të shtetit të Kosovës”, që është e
rëndësishme për stabilizimin e tërësishëm të rajonit. /Telegraf