Sërish debat ndërmjet Buzhalës dhe Konjufcës

Deputeti i Partisë Demokratik të Kosovës, Berat Buzhala, edhe ai i Vetëvendosjes sërish hedhin akuza kundër njëri tjetrit.

Në këtë seancë, deputeti Buzhala iu referua seancës së kaluar, në të cilën u quajt mercenar. Ai tha se nuk është mercenar, pasi sipas tij, ai personalisht e ka ndihmuar Vetëvendosjen me 35 mijë euro duke i ia botuar shtojcat derisa ishte në krye të gazetës Express.

“Shoku Glauk me akuzon mua si gazetar, prandaj është hipokrit. Ju keni qen shoku Glauk se bashku me shokun Albin qe më keni thirr në telefon kur unë e kam udhëhequr “Gazetën Express”, dhe keni kërkuar qe në gazetë të botohet shtojca e juaj, kjo ka ndodh për 62 herë ne kemi investuar në Lëvizjen e juaj 35 mijë euro kur keni qenë si OJQ, u a kemi botuar gratis kemi edhe të dhëna”, tha Buzhala në Kuvend.

Ai më tej foli edhe për çështjen e biznesit të tij në Leposaviq, duke thënë se ai është tërhequr nga ajo punë në momentin që ka marr pozitën e deputetit.

Këtyre deklaratave, Konjufca i është përgjigjur, duke pyetur Buzhalën “se kush i’a ka blerë xhipin e shtrenjtë...”.

Konjufca më tej tha se nuk do t’i drejtohet Buzhalës me fjalën “shoku”, pasi sipas deputetit të Vetëvendosjes, atë e kanë cilësuar qysh në seancën e kaluar si mercenar. /Telegrafi/