Mustafa refuzon ftesën e Kuçit për debat

Kreu i Prishtinës, njëherësh edhe i Lidhjes Demokratike të Kosovës, Isa Mustafa tha të enjten se nuk e ka ndërmend të jetë në një debat televiziv me zëvendëskryeministrin Hajredin Kuçi, sepse siç tha ai ka punë më të mençura sesa t’i përgjigjet një ftese të tillë.

Deklarata e Mustafës është si kundërpërgjigje ndaj zëvendëskryeministrit Kuçi, i cili një ditë më parë i bërë ftesë publike kryetarit të Prishtinës për një debat televiziv.

Kreu i Prishtinës, këto komente i bëri pas një takimi që pati me ministren e Integrimit, Vlora Çitaku, në kudër të vizitave nëpër komuna.

Çitaku tha se agjenda evropiane është agjenda më unifikuese në Kosovë dhe për këtë ajo falënderoi kryetarët e komunave, e edhe Isa Mustafën për angazhimin e tyre që po bëjnë në plotësimin e kritereve të BE-së për ri-integrimin e personave të riatdhesuar. /Telegrafi/