Hoxhaj përgëzon Sudanin Jugor

Shpallja e pavarësisë së Sudanit Jugor është një ngjarje e rëndësishme për popullin e këtij vendi, ndërsa qytetarët e Kosovës gjatë ditës së sotme kanë qenë me popullin sudanez- ka thënë ministri i Jashtëm i Kosovës, Enver Hoxhaj.

“Sudani Jugor është një shtet i ri, i cili do të jetësojë vizionin dhe sakrificën e gjatë të një populli”, ka thënë Hoxhaj për Radion Evropa e Lirë.

Sipas shefit të diplomacisë kosovare, shtetet e reja reflektojnë aspiratat e njëjta, për të cilat kanë luftuar dhe sakrifikuar edhe qytetarët e Kosovës. /Telegrafi/