Opozita thërret seancë për dialogun

Tri partitë opozitare, Lidhja Demokratike e Kosovës, Lëvizja Vetëvendosje dhe Aleanca për Ardhmërinë e Kosovës, kanë mbledhur 40 nënshkrimet e nevojshme për thirrjen e një seance të jashtëzakonshme të Kuvendit, ku do të debatohet në lidhje me marrëveshjet e arritura në bisedimet Kosovë–Serbi.

Dialogu Prishtinë- Beograd, përkatësisht marrëveshjet e arritura të shtunën do të jetë pjesë e një debate të veçantë në Kuvendin e Kosovës, raportojnë mediat.

Sipas procedurave, seanca e jashtëzakonshme thirret brenda pesë ditëve nga parashtrimi i kërkesës. /Telegrafi/