KFOR-i nuk heq dorë nga veriu

Komandanti i KFOR-it, gjenerali Erhard Buehler, e ka bërë të
qartë se as që mund të diskutohet për tërheqjen e forcave nga veriu.
Gjatë në konference për media në Urën e Ibrit, Buehler tha se KFOR-i do
t’i tërheqë vetëm konvojet furnizuese që janë nisur në drejtim të
Rudares dhe Bërnjakut, për t’u rikthyer sërish të shtunën.Buehler
ka treguar arsyet e tërheqjes së KFOR-it nga Rudare ku ishin vendosur
barrikadat e serbëve duke thënë se KFOR-i është tërhequr pasi nuk ka
dashur të ushtrojë dhunë. Ai ka thënë se kishte vendosur të mos
vazhdonin rrugën pasi aty ishin mbledhur shumë radikalë dhe ekstremistë,
si dhe për shkak se ka pasur edhe të shtëna, ndërsa KFOR-i është
përmbajtur nga dhuna.

“Ua kemi bërë të qartë se herën e dytë nuk do të përsëritet një gjë e
tillë dhe kjo vlen prej ditës së nesërme (e shtunë). Kam marrë garanci
edhe prej palës serbe se konvoji i ushtarëve të KFOR-it herën e dytë do
të kalojë”, ka thënë komandanti i KFOR-it.

Buehler pohoi se KFOR-i do ta vazhdojë misionin e vet për vendosjen e
qetësisë dhe të stabilitetit në veri të Kosovës. /Telegrafi/