Beogradi nuk mund të vendosë për Kosovën

Zëvendëskryeministri i Kosovës, Hajredin Kuçi deklaratat e Beogradit zyrtar për dy vula në doganat e Kosovës janë nxitëse.
Kuçi ka thënë se Prishtina është e koordinuar me Brukselin ndërkohë që sipas tij, Beogradi nuk mund të vendos për Kosovën.

Zëvendëskryeministri i Kosovës, Hajredin Kuçi nuk ka dashur të flas për deklaratat që vijnë nga Beogradi se në bisedimet në Bruksel do të kërkohet që në kufijtë verior të Kosovës të përdoren dy vula doganore, shkruan RTK.

Numri dy i qeverisë në këtë rast ka ironizuar me deklaratat e zyrtarëve serbë duke thënë se ata më nuk mund të vendosin për Kosovën. Kuçi po ashtu i ka sugjeruar mediat kosovare që të mos merren më shumë se çka flitet ne Beograd se sa në Prishtinë dhe Bruksel.

Zëvendëskryeministri Kuçi po ashtu ka deklaruar se marrëdhëniet e institucioneve të Kosovës janë shumë të mira me EULEX-in. Ai tha se qeveria e ka vullnetin të bashkëpunoj me mekanizmat ndërkombëtar e në këtë rast edhe me EULEX-in dhe sipas tij, asnjëherë nuk është vënë në dilemë ky bashkëpunim.

Ndërsa shefi i Komponentës së Drejtësisë në EULEX, Silvo Bonfigli, nuk ka dashur të flas rreth hetimeve që EULEX ka filluar rreth zhvillimeve në pjesën veriore, duke thënë se nuk mund të përgjigjet në këtë rast. /Telegrafi/