Delic: Serbia do kompromis me shqiptarët

Zëvendëskryeministri i Serbisë, Bozidar Delic, thotë se Serbia nuk do ta njohë Kosovën, ndërsa flet për një mundësi për kompromis!

Vizitën e kancelares Merkel në Serbi ai e cilëson si shumë të rëndësishme.

“Ne presim përkrahje, jo vetëm urime, sepse jemi të sigurt që Serbia mund të ofrojë shumë, jo vetëm për ne, por për të gjithë Evropën, edhe për Gjermaninë”, ka thënë ai për radion gjermane “DLF”.

Lidhur me konfliktin me Kosovën dhe spektrin e zgjidhjeve të mundshme të tij, Delic shprehet se “mund të zgjidhim gjithçka përmes dialogut, së bashku me Gjermaninë dhe OKB-në.

Nëse do ta njohë Serbia Kosovën dhe nëse ka lëvizje në këtë drejtim në politikën e Beogradit, Delic shprehet: “Ne mund të bëjmë kompromis... 99 për qind e njerëzve tanë nuk do ta pranojmë atë (pavarësinë. v.j.)”.

Për hollësitë e një kompromisi të tillë, ai thotë se kjo “kjo i mbetet Prishtinës dhe Beogradit”.

“Nuk ka model perfekt, por ne mund të gjejmë një model të veçantë për Kosovën dhe Serbinë”. /DW/Telegrafi/