Serbia e gatshme për kompromis

Drejtuesi i të ashtuquajturës Ministri për Kosovën në qeverinë
serbe, Goran Bogdanovic ka thënë se Beogradi zyrtar është i gatshëm për
kompromis, me qëllim të zgjidhjes së çështjes së Kosovës.Në
një deklaratë për agjencinë Tanjug, ai ka thënë se Kushtetuta e Serbisë
dhe rezoluta për Kosovën në Parlamentin serb janë linjat e kuqe, ndërsa
marrëveshja e Prishtinës dhe Beogradit që mund të bëhet gjatë dialogut
që po realizohet në Bruksel, nuk di të prek linjat e përmendura.
“Askush nga negociatorët tanë nuk është i gatshëm të tejkalojë linjat
e kuqe, dhe kjo është dëgjuar nga negociatorët, por edhe nga presidenti
Boris Tadic”, ka thënë Bogdanovic.
Sipas tij, në qeverinë serbe nuk ka asnjë njeri i cili me nënshkrimin e tij do të pranonte pavarësinë e Kosovës.
I pyetur për propozimet për ndarje të Kosovës, Bogdanovic ka
vlerësuar se nuk duhet të iket nga çfarëdo teme dhe se Beogradi zyrtar
është i gatshëm të bisedojë për të gjitha çështjet. /Telegrafi/