BIK-u nuk e do Xhaminë te Posta

Bashkësia Islame e Kosovës nuk e pranon propozimin e Komunës së Prishtinës, për ndërtimin e xhamisë së madhe në hapësirën ndërmjet Postës së re dhe Qendrës së Mjekësisë Familjare.

Sekretari i BIK-ut, Resul Rexhepi tha për “Express” se qëndrojnë prapa kërkesës së mëhershme të BIK-ut, që xhamia të ndërtohet përballë Institutit Albanologjik, gjegjësisht në vendin ku është çerdhja "Gëzimi ynë".

"Janë tri arsye që ne nuk pranojmë: e para është hapësirë e vogël, është larg qendrës dhe thjesht nuk na konvenon", ka thënë Rexhepi.

Isa Mustafa, Kryetar i Komunës së Prishtinës, me rastin e vënies së gur-themelit për ndërtimin e morgut të qytetit, ka bërë të ditur se lokacioni i xhamisë së madhe është paraparë të jetë ndërmjet Postës së re dhe Qendrës së Mjekësisë Familjare. Hapësira në fjalë përfshin një sipërfaqe prej 74 ari. /Telegrafi/