Manifestimi qendror i Kurban Bajramit, të martën, në Xhaminë e Madhe

Prishtinë, 15 nëntor – Bashkësia Islame e Kosovës ka njoftuar të dielën se manifestimi qendror kushtuar festës së Kurban Bajramit, mbahet të martën, më 16 nëntor, në xhamin “Sulltan Mehmet- Fatih” - Xhamia e Madhe - në Prishtinë.
“Manifestimi fillon në orën 5:45, me faljen e namazit të sabahut, pas të cilit do të jenë dy ligjërata tematike kushtuar kësaj feste. Ligjëratën e parë do ta mbajë mr. Ekrem Simnica, ndërsa të dytën Nexhmi Maksuti”, bën me dije BIK-u përmes një komunikate. “Namazi i Kurban Bajramit falet në orën 7:09, të cilit do t’i prijë, Sallah ef. Feta. Ndërsa hytben do ta mbajë myftiu i Kosovës, Naim Tërnava, i cili do t’i drejtohet opinionit të gjerë me mesazh për këtë festë”.
Gjithashtu BIK-u ka bërë me dije se me rastin e festës së Kurban Bajramit, ditën e parë, më 16 nëntor, myftiu i Kosovës, do të organizojë një pritje përurimi në selinë e tij nga ora 9:00 -12:00.