Të martën, dita e parë e Fitër-Bajramit

Kryesia e Bashkësisë Islame të Kosovës njofton opinionin se muaji i Ramazanit përfundon ditën e hënë, më 29 gusht 2011.

Dita e parë e festës së Fitër-Bajramit është të martën, më 30 shtator 2011. Manifestimi qendror kushtuar kësaj feste do të mbahet në Xhaminë “Sulltan Mehmet Fatih” (Xhamia e madhe) në Prishtinë. Manifestimi fillon në ora 5:15 me faljen e namazit të sabahut, pas të cilit do të jenë dy ligjërata tematike kushtuar kësaj feste.

Namazi i Fitër-Bajramit falet në ora 6:35, ndërsa hytben do ta mbajë Myftiu i Kosovës Naim Tërnava.

Me rastin e festës së Fitër-Bajramit, ditën e parë, më 30 gusht 2011, Myftiu i Kosovës organizon pritje përurimi në selinë e Kryesisë së Bashkësisë Islame të Kosovës, nga ora 9:00-12:00.

Kryesia e BIK0ut të gjithë besimtarëve dhe opinionit të gjerë ua uron festën e Fitër-Bajramit, duke lutur Zotin që t’i ketë pranuar agjërimin, lutjet dhe ibadetet tona. /Telegrafi/