Ilegalët e veriut mblidhen në Beograd

Përfaqësues të komunave paralele serbe në veriun e Kosovës janë takuar në Beograd, për të diskutuar “për situatën politike dhe të sigurisë në veri”.

Pas mbledhjes ata i formuan katër delegacione të cilat kanë për të shkuar në takim me presidentin serb Boris Tadic, zëvendëskryeministrin Ivica Dacic, patriarkun Irinej dhe me ambasadorin rus në Beograd, Aleksander Konuzin.

Siç raporton “B92”, serbët e veriut kanë hedhur poshtë kërkesën e kangelares gjermane, Angela Merkel, për largimin e strukturave paralele, meqë e konsiderojnë si “ultimatum”. Ata po ashtu kërkojnë që në bisedimet e 2 shtatorit në Bruksel të mos pranohen vulat e doganave të Kosovës dhe që gjendja në pikat kufitare në veri të jetë si para 25 korrikut. Serbët kërkojnë edhe kthimin “e forcave serbe në Kosovë dhe që Serbia t’ia bëjë me dije opinionit vendor dhe ndërkombëtar se do të përdorë të gjitha mjetet shtetërore për të mbrojtur ekzistencën se serbëve në Kosovë”. /Telegrafi/