Kacin: Pa vula nuk ka Evropë

Raportuesi evropian për Serbinë, Jelko Kacin, ka thënë se do të jetë vështirë të shënohet ndonjë përparim në integrimet evropiane të Serbisë, pa zgjidhjen e çështjes së vulave.

“Afati kur është ende mundur që të ndikohet në raportin e Komisionit evropian për përparimin e Serbisë, kalon për disa ditë. Është koha të luajmë një lojë të rëndësishme. Bllokimi i raporteve ekonomike me Kosovën drejtpërdrejt e pamundësinë progresin në fushën rajonale të bashkëpunimit ekonomik dhe politik”, ka thënë Kacin për “Blic”.

Ai ka shtuar se mospranimi i vulave, të cilat i ka lëshuar UNMIK-u, shkon në dëm të qytetarëve të Serbisë dhe të Kosovës, përfshirë edhe veriun e Kosovës.

Shefi i kancelarisë së qeverisë serbe për raporte me media, Milivoje Mihajlovic, ka thënë se “sot e kemi shansin të arrijmë deri te zgjidhjet konkrete”.

“Është e pakuptimtë që Prishtina të mendojë se me vula mund ta fitojë pavarësinë. Të tri palët në bisedimet duhet të tregojnë mirëkuptim”, ka thënë ai, për të shtuar se sot do të flitet edhe për praninë e delegacionit të Prishtinës në takimet rajonale. /Telegrafi/