Belgët në prag të presidencës së BE-së, “pro” heqjes së vizave

Ne vigjilje të marrjes së presidencës së Këshillit të Ministrave të Bashkimit Evropian, zyrtarë të lartë belgë do të prezantojnë sot në Bruksel programin dhe prioritet e punës së tyre.
Spanja, kyesuesja e radhës e bllokut 27- anëtarësh, do t’i dorëzojë presidencën, Belgjikës në 1 korrik.



Presidenca belge e Bashkimit Evropian është shprehur në favor të zgjerimit te BE, në rast të plotësimit te kritereve nga vendet kandidate si dhe procesit të heqjes së vizave me Shqipërinë dhe Bosnjën.

Presidenca e Spanjës, Belgjikës dhe Hungarisë, e njohur ndryshe si trioja presidenciale, është e para që punon sipas rregullave te reja të traktatit te Lisbonës.

Objektivat afatgjate të trios janë: Strategjia “BE 2020” për rritjen ekonomike dhe hapjen e vendeve të punës, çështjet sociale, ndryshimet klimaterike dhe energjinë si dhe përforcimin e marrëdhënieve me vendet joanëtare të BE. /alsat/