Nuk ka datë për liberalizimin e vizave

Belgjika prezanton prioritetet e presidencës së BE-së, por nuk jep një datë për liberalizimin e vizave për Shqipërinë dhe Bosnjën. Kryeministri belg Yves Leterme deklaron se duhen plotësuar kushtet. Sa i përket Shqipërisë, Leterme u shpreh se ajo duhet të ndihmojë veten që të ndihmohet nga Brukseli.
“Sa i takon liberalizimit të vizave, ky është proces që bazohet mbi meritat, sipas logjikës që kontaktet mes njerëzve mund të rriten ndoshta, e kjo mund të realizohet vërtet. E dimë që shumë shtete kërkojnë liberalizimin e vizave, për ta është shumë simbolike por dhe një mënyrë praktike për të realizuar lëvizjen e lire të njerëzve. Ne jemi tërësisht në dijeni të kësaj rëndësie, por ne gjithashtu insistojmë, e këtu nuk ka asgjë armiqësore, sepse kjo shkon me logjikën e kushtëzimit, që këto duhen plotësuar në mënyrë që të merret liberalizim vizash.

Ndërsa sa i përket datës, Leterme thotë se kjo varet nga progresi që do të dëshmohet në terren për kënaqjen e kritereve të kërkuara. /tch