Qeverisja lokale nё Kosovë ёshtё forcuar nё letёr

Qeverisja lokale nё Kosovë ёshtё forcuar nё letёr

Me ftesë të Këshillit të Evropës dhe Akademisë pёr Zhvillim Politik tё Zagrebit, Besnik Tahiri, drejtor i Institutit Kosovar pёr Qeverisje Lokale, njëherësh anëtar i Kryesisë sё AAK-sё, po merr pjesë nё takimin rajonal tё Shkollës pёr Demokraci Lokale tё Ballkanit Perëndimor, që po mbahet nё Sisak tё Kroacisё.
Tema e këtij takimi rajonal është “Pёrspektiva dhe Realiteti i Bashkёpinimit Ndёr-Komunal në Ballkanin Perëndimor”. Tahiri, gjatё kёsaj konference dy ditore, në ditën e parë të punimeve, prezantoi disa nga sfidat e procesit tё reformёs sё qeverisjes lokale nё Republikёn e Kosovёs, nё veçanti, ato qё kanё tё bёjnё me bashkёpinimit ndёr-komunal.

Ai tha se Republika e Kosovёs ka kornizё ligjore shumё tё avancuar, e cila e fuqizon qeverisjen lokale dhe zbret mundësi tё shumta tek komunat dhe kryetarёt e komuanve.

“Mirëpo, nё mungesё tё traditёs dhe njohurive pёr tё mirat qё sjell bashkёpunimi ndёr-komunal ky koncept zhvillimor nuk po aplikohet sa duhet. Edhe pse ligji pёr vetëqeverisje lokale ka transferuar njё gamё tё madhe tё kompetencave nё nivel lokal, realitetet nga terreni tregojnё se ka mungesё komplementare tё resurseve. Pra, pushteti lokal nё Kosovё ёshtё forcuar nё letёr, por nё praktikë ende ka probleme dhe vёshtirёsi pёr tё gjeneruar qёndrueshmёri dhe zhvillim lokal”.

Nё kёtё seminar, ku po diskutohet për demokratizimin dhe decentralizimin e pushtetit lokal, po marrin pjesë pёrfaqёsues, ekspertë dhe profesionistë tё kёsaj fushe nga shtatë vende tё rajonit (Shqipёria, Kosova, Bosnja dhe Hercegovina, Kroacia, Maqedonia, Mali i Zi dhe Serbia).