Edita Tahirit nuk i premtohet post ministror

Kryetarja e Alternatives Demokratike të Kosovës, Edita Tahiri, ka sqaruar çështjen e emrave në listën e Partisë Demokratike të Kosovës.
Ministrja e Administratës Publike, Edita Tahiri ka theksuar se me kreun e PDK-së, është sqaruar, edhe sa i përket posteve në qeverinë e ardhshme, nëse atë do ta udhëheqë PDK-ja.

Sipas Tahirit, Thaçi kësaj radhe ishte më i kujdesshëm dhe i sinqertë, pasi nuk i premtoi se do të mund ta mbajë postin e ministres edhe në qeverinë e ardhshme, njofton RTK.

Ajo poashtu ka pohuar se në bisedë me kryetarin e PDK-së, janë marrë vesh për mundësinë e përfaqësimit të ADK-së, por ata nuk hyjnë në obligime për ministri. Sipas saj, kjo është bërë për arsye se në të kaluarën kishin hyrë në obligime dhe nuk kanë mundur ta realizojnë plotësisht.

Tahiri, tha se ka çmuar dhe se ka vlerësuar si të drejtë sinqeritetin e kryetarit të PDK-së.