Obama nënshkruan ligjin për fuqizimin e lirisë së shtypit

Presidenti amerikan Barack Obama, të hënën ka nënshkruar një ligj për zgjerimin e rolit të qeverisë amerikane në monitorimin e lirisë së shtypit në botë.



Obama tha se legjislacioni dërgon një mesazh të fuqishëm se Shtetet e Bashkuara po i kushtojnë vëmendje mënyrës se si operojnë qeveritë e tjera në këtë aspekt.

Ligji mban emrin e Daniel Perl, një gazetar i Wall Street Journal, të cilit iu pre koka në Pakistan në vitin 2002. Obama tha se vdekja e zotit Perl tregon se ka njerëz që do të vepronin në mënyra ekstreme për të mos lejuar gazetarët të bënin punën e tyre.

Presidenti amerikan tha se Ligji Daniel Perl për Lirinë e Shtypit do t’i kërkojë Departamentit të Shtetit të regjistrojë statusin e lirisë së shtypit në vende të ndryshme në kuadër të vlerësimit të përvitshëm të të drejtave të njeriut. /VoA/