KFOR-i dënon fuqimisht incidentin në Zubin Potok

Pasi dënon incidentin e së mërkurës që ndodhi në Zubin Potok, Zyra për marrëdhënie me publikun e KFOR-i nëpërmjet komunikate njofton se persona të panjohur kishin lënë një letër dhe kishin shkrepur një të shtënë në zyrat që përdoren nga njësitet monitoruese ndërlidhëse të KFOR it (LMT).
Kjo letër i është drejtuar kontingjentit danez të KFOR it për shkak të gjoja mbështetjes dhe përkrahjes së dhënë shqiptarëve të Kosovës dhe institucioneve, në dëm të pjesës serbe të popullatës lokale.

“KFOR i fuqishëm thekson statusin e paanshëm dhe neutral, gjithmonë duke përmbushur mandatin e tij që buron nga Rezoluta 1244 e KS të OKB së. KFOR i nuk mban anën e çfarëdo argumenti politik apo zënke private. Ne i mbështesim dhe bashkëpunojmë me të gjithë njerëzit në Kosovë, pavarësisht përkatësisë etnike apo fetare”, thuhet në reagimin e KFOR-it.

“Rezoluta 1244 e KS të OKB së e mandaton KFOR in për të siguruar një ambient të qetë dhe të sigurt si dhe liri të lëvizjes në mënyrë të paanshme. Ne jemi të vendosur të përmbushim këtë detyrë në të mirë të të gjithë njerëzve në Kosovë dhe nuk do të tolerojmë asnjë veprim të dhunshëm apo kërcënues që do të mund ta komprometonte paanshmërinë tonë. Të gjitha veprimet tona janë dhe do të vazhdojnë të jenë transparente, si dhe KFOR i mbetet i hapur për dialog me të gjithë njerëzit në Kosovë", thuhet në fund të komunikatës së KFOR-it. /rtk/