Beogradi pret nga EULEX-i anulimin e vendimit për targat

Sekretari shtetëror i të ashtuquajturës Ministrisë për Kosovën në qeverinë, Oliver Ivanovic, pret nga EULEX-i anulimin e vendimin e Ministrisë së Punëve të Brendshme të Kosovës për konfiskimin e targave të reja të Serbisë të lëshuara për komunat e Kosovës.

Në një deklaratë për televizionin publik serb, Ivanovic ka thënë të shtunën nga EULEX-i kishte kërkuar që së paku të pezullohet vendimi për dy ditë. Ivanovic e ka quajtur ilegal vendimin e Prishtinës dhe ka deklaruar se kjo mund të ndikojë negativisht edhe në bisedimet që pritet të nisin midis Prishtinës dhe Beogradit.

Ministri i Punëve të Brendshme , Bajram Rexhepi për mediat e Kosovës ka bërë të ditur se ka pasur kërkesa nga EULEX-i për anulimin e vendimit, apo pezullimin e këtij vendimi të paktën për dy ditë, që të bisedohet me Beogradin.

Ndërkohë EULEX-I nuk ka bërë të ditur nëse janë duke biseduar me Beogradin dhe çfarë masash janë marrë për tejkalimin e situatës. Zyra për media e EULEX-i ka përsëritur deklarimet e dy ditëve më parë se kërkojnë nga të dyja palët që të përmbahen nga çdo veprim që mund të çojë në provokime.